Um Dharma

DHARMA LÖGMÁLIÐ

– Tilgangur lífsins –

Öll búum við yfir einhverri náðargjöf eða einstökum hæfileikum sem við tjáum á okkar einstaka hátt. Þegar við nýtum þessa náðargjöf í þjónustu við aðra upphefjum við eigin anda og upplifum ótakmarkaða sælu. Þá erum við að lifa lífinu í okkar „dharma“.

(Deepak Chopra)

Dharma teymið:

Gunna Húnfjörð

Snyrtifræðingur og heilsunuddari

Gunna Húnfjörð

Snyrtifræðingur og heilsunuddari

Gunna er eigandi Dharma ehf og er menntaður snyrtifræðingur og heilsunuddari. Hún vinnur alla virka daga og býður upp á eftirfarandi meðferðir: Skrúbbmeðferð. Klassískt nudd. Sogæðanudd. Meðgöngunudd. Djúpvefjanudd. Bandvefsmeðferð. Teipingar. Nuddkennslu. Nuddboltakennslu. Litun og plokkun. Lash lift og brow lift. Andlitsbað og húðhreinsun. Dermatude andlitslyftingu. Vaxmeðferðir. Förðun.

Phone:852-7733
Email:gunna@dharmaheilsa.is

Þuríður Magnúsdóttir

Heilsunuddari

Þuríður Magnúsdóttir

Heilsunuddari

Þuríður er menntaður heilsunuddari og hefur starfað við það samfellt í rúm fjögur ár. Hún býr yfir góðri þekkingu á vöðvum og stoðkerfi líkamans og er mjög fær í að greina og meta vandamál og þarfir nuddþega sinna. Hún er einnig næm á aðstæður og líðan fólks og með góða og nærandi nærveru. Þuríður vinnur á þriðjudögum og miðvikudögum og býður upp á eftirfarandi nuddmeðferðir: Skrúbbmeðferð. Klassískt nudd. Sogæðanudd. Meðgöngunudd. Djúpvefjanudd. Slökunarnudd.

Anna Margrét Guðmundsdóttir

Heilsunuddari og íþróttafræðingur

Anna Margrét Guðmundsdóttir

Heilsunuddari og íþróttafræðingur

Anna Margrét er menntaður heilsunuddari og íþróttafræðingur og hefur langa starfsreynslu sem nuddari, íþróttakennari og þjálfari. Hún hefur góða reynslu í að vinna með sogæðakerfið ásamt því að hafa víðtæka þekkingu á hreyfingu, íþróttum og meiðslum þeim tengdum. Hún er auk þess með mjög góða nærveru og hugsar afar vel um nuddþegana sína. Anna Margrét vinnur á mánudögum og býður upp á eftirfarandi nuddmeðferðir: Skrúbbmeðferð. Klassískt nudd. Sogæðanudd. Meðgöngunudd. Djúpvefjanudd. Íþróttanudd.

Finnbogi Gunnlaugsson

Heilsunuddari og sjúkranuddari

Finnbogi Gunnlaugsson

Heilsunuddari og sjúkranuddari

Finnbogi býr yfir gríðarlegri þekkingu og reynslu. Hann útskrifaðist frá Boulder School of Massage Therapy í Colorado 1988 og fékk sama ár viðurkenningu frá Heilbrigðisráðuneytinu sem sjúkranuddari. Þá lauk hann námi í Craniosacral Biodynamics við Karuna Institute í Bretlandi 2002 og hefur síðan sótt ýmis viðbótarnámskeið í höfuðbeina og spjaldhryggsjöfnun, m.a. Upledger og Touching the brain. Hann hefur einnig lokið APP í Polarity Therapy. Finnbogi hefur einnig MA gráðu í uppeldis- og kennslufræði frá HÍ og hefur starfað við að stýra og stunda nuddkennslu í 30 ár. Hann er núverandi kennslustjóri heilsunuddbrautar Fjölbrautaskólanum við Ármúla. Finnbogi vinnur á föstudögum og býður upp á Höfuðbeina- og spjaldhryggsjöfnun og gerir meðferðina ýmist með eða án vefja- og liðlosunar eftir einstaklingsmiðuðu mati. Skjólstæðingurinn er í fötum í meðferðinni sem tekur 60 mínútur. Auk þess býður hann upp á 45 mínútna djúpvefjanudd ca. einn laugardag í mánuði.

Liv Elise Skjørestad

Nuddari, svæðanuddari og kinesiology meðferðaraðili

Liv Elise Skjørestad

Nuddari, svæðanuddari og kinesiology meðferðaraðili

Liv er heildrænn meðferðaraðili sem býr yfir mikilli þekkingu og reynslu af því að vinna með andlega og líkamlega heilsu fólks. Hún stundaði nám við Kinesiology skóla í Noregi þar sem bæði var kennt líkamsnudd og „touch for health kinesiology“. Hún hefur einnig lokið námi í svæðanuddi og tekið fjölmörg námskeið í m.a. heilun, Reiki og markþjálfun. Liv mun bjóða upp á slökunarnudd og svæðanudd þar sem hún notar tónkvísl í bland við svæðanuddið til þess að auka áhrif meðferðarinnar. Að auki er hún með kinesiology meðferðir. Liv vinnur í Dharma á fimmtudögum.

Guðrún Lárusdóttir

Heilsunuddari og sjúkraliði

Guðrún Lárusdóttir

Heilsunuddari og sjúkraliði

Guðrún er menntaður heilsunuddari og sjúkralði og hefur starfað við hvorutveggja um áraraðir. Hún er afar næm á þarfir nuddþega sinna og fær í að mæta fólki þar sem það er statt hverju sinni. Hún er jafn góð í nærandi og heilandi slökunarnuddi og djúpu meðferðarnuddi. Hún er með góða nærveru og yndislegar hendur! Guðrún vinnur á föstudögum og býður upp á klassískt nudd og slökunarnudd.

Gildi Dharma eru:

Þjónustulund og persónulegt viðmót snýst um að hver einasti viðskiptavinur upplifi persónulega og einlæga framkomu.

Umhyggja fyrir vellíðan viðskiptavina snýst um að setja andlega og líkamlega vellíðan viðskiptavina okkar ávallt í fyrsta sæti.

Fagmennska ásamt trúnaði og trausti snýst að viðskiptavinir geti treyst á þagmælsku og faglega framkomu.